Pzaiko – Nbem di Longi

Pzaiko – Nbem di Longi Lyrics Letra:
VERSO 1.
Mundu é bárbaro la fora, nha Mai flam adé ka bu bai
Ka bu abri mon di tudu nhas confortus, nu conforta ku poku
Foi duro milita ku bo sem bu pai yeeh
Ko da passo mas grandi ki bu pé nha minino
Ta doem odjau di baixo des raio di sol nha petu ta kema
Mas sombra ta bem ticido na lenson di distino yeeh
Mano, nka limita perante crenças limitante
Nha limiti é ceu na tudo instante
Nta sunha altu Mai
Nten ki baii yeeh
Nsigui nha kaminhu na solitudi, pernadas lento mo sinfonia
Profundo di Beethoven
Nsai di fundo di poço, ntravessa vali di sombra na temporal
Pam valida nha existência, nka bem fazi castelo na nuvem
Nsubi picos mas nka contra ku Antônio
Es pon aprova i fácil nriprova ses ideia errôneo
I ses grito di duvida ka ecoa mas altu ki nha voz di certeza
Ami é um padaz precioso des universo
I nha presença é um luxo entre kes kuzas k ka tem preço

REFRAO:

nben di longi, nben di longi nka disisti
Nben di longi, nben di longi pan poi nha nome na storia,
Prova ma mi é capaz i nconsigui

VERSO 2.

Nha vida intero sempri foi esculpido
Di luta incessante
N´acumula batalhas perdido,
Mas nenhum ka foi insignificante
Nfrenta tudo ki qualquer um ka ta enfrenta
pan ka ser qualquer um, nfrenta
Sem tropeça na ninguém, sim, ntropeça nkai mas nhas quedas
ka alejam
I nem gritos incisivo di vontade recua ka alvejam
Na cada noitis turvos sempre stivi ali
Brilhos vivo na olhares ali
Na terra seco nunca para toka meludias d andares ali
Mas ki rasto nfazi kaminhu ali
Ki nem ruídos di kaladu fome ka nina nhas passos
Inconformado i persistenti campestre di pé diskalso
Ta perigrina
Nta lembra mi, frenti porton di, univercidade
Sem num tiston na bolso
I ku lagrimas na odju
Nka disisti n´aceita ma nka tinha mas kondiçons pam siguiba
Nta cantaba i ninguém ka ta obiba
Obrigado pa bo k mesmo sem palavras, sempre apoia
I mutu além disso, fazem acredita na vitória
Pamodi único forma di perdi é ka tenta

REFRAO:

nben di longi, nben di longi nka disisti
Nben di longi, nben di longi pan poi nha nome na storia,
Prova ma mi é capaz i nconsigui

VERSO 3.

Era mi na bu skina
Ku camisa na mon moda bíblia
Alkança nhas objetivos é sagrado, porisso oji nta konsagra
Ninguém ka ta fala sobre musika kriolo sem nha presença
Pamo mas ki aptidon i talento nfoi altruísmo i encorajamento
Mo Isac na diserto
nha jornada é divino nha único misson é sucesso
I nha sucesso é concissons di benefícios pa tudo nhas parentesco
AMÉM …

REFRAO:

nben di longi, nben di longi nka disisti
Nben di longi, nben di longi pan poi nha nome na storia,
Prova ma mi é capaz i nconsigui