Gianfranco Molle – Send Krik

Strofo 1

Ili prenis nian koron
Sub kovrilo tre malhela
Sub mortinta eta luno
Dormis ni en sonĝo bela
Estis junulo-generalo
Turkiskolora uniformo
Estis junulo-generalo
Ido de norda ŝtormo
Arĝentas nun dolaro
Surfunde de Send-Krik

Strofo 2

Malproksimis niaj viroj
Laŭ la spuroj de bizonoj
La muziko kiu foris
Ade iĝis pli malfona
Ree fermis mi okulojn
Sed mi estis daŭre tie
Mi demandis mian avon
“Ĉu ĉi tiu estas revo?”
Jes, foje kantas fiŝoj
Surfunde de Send-Krik

Strofo 3

Kaj mi sonĝis tiom forte
Ke elfluis sang’ el nazo
Fulmotondro en orelo
En la alia paradizo
Kaj la larmoj pli malgrandaj
Kaj la larmoj tre pli grandaj
Kiam la arbo de la neĝo
Floris per helruĝaj steloj
Nun infanoj dormas
Surfundе de Send-Krik

Strofo 4

Kiam la suno levis la kapon
Trans la ŝultrojn dе la nokto
Restis nur hundoj kaj fumo
Kaj dispelitaj tendoj
Sagon pafis mi al ĉielo
Nur por igi ĝin elspiri
Sagon pafis mi al vento
Nur por igi ĝin elsangi
De la tria sago plue
Al la fundo de Send-Krik

Ili prenis nian koron
Sub kovrilo tre malhela
Sub mortinta eta luno
Dormis ni en sonĝo bela
Estis junulo-generalo
Turkiskolora uniformo
Estis junulo-generalo
Ido de norda ŝtormo
Nun infanoj dormas
Surfunde de Send-Krik

🍋 Ꮆ乇几丨ㄩ丂.匚ㄖ爪