Gerard Manley Hopkins – Haec te jubent

Haec te jubent salvere, quod possunt, loca
Diluta nimiis imbribus,
Multum, Pater, salvere deserens jubet
Infecta prata foenisex.
Sed candidatus quem vides nostrum chorus
Ipso colore prospera
Videtur augurari et ore optat meo
Et gratias et guadia.
Intonsus ergo hic cum suis pastoribus
Bene vertat oro grex tuus
Et quae tuae novella cura dexterae
Remittitur provincia.