Chantal (ISR) – Kredu, venos bona tag'

Strofo 1

La sort’ devigas nin militi
Do mi troviĝas for de l’ hejm’
Vi, tamen, volu min inviti
Al nia eta kuirej’

Strofo 2

Ke tuj aperu glas’ da vino
Sur loko kiun ŝatas mi
Imagu ke, laŭ la kutimo
Ĉe l’ tablo sidas mi kun vi

Rekantaĵo

Kredu, venos bona tag’
Mi promesas ĝin al vi
Vin karesos mia brak’
Flugos for la apati’

Rekantaĵo

Kredu, venos bona tag’
Mi promesas ĝin al vi
Vin karesos mia brak’
Flugos for la apati’

Strofo 3

Dum bojas faŭkoj de l’ kanonoj
Ĝemegas la mortig-maŝin’
Min tiam portas la rezonoj
Al vi, fratino-amikin’

Strofo 4

Mi scias do: ne estas vana
Batali, malgraŭ l’ alta prez’
Ke tiel povos min almenaŭ
Ĝuigi, foje, hejma nest’

Rekantaĵo

Kredu, venos bona tag’
Mi promesas ĝin al vi
Vin karesos mia brak’
Flugos for la apati’

Kredu, venos bona tag’
Mi promesas ĝin al vi
Vin karesos mia brak’
Flugos for la apati’

🍋 Ꮆ乇几丨ㄩ丂.匚ㄖ爪